Carta aos voluntarios do

XXXIII Festival do Teatro Galego

Inscribídevos desde xa no voluntariado do FETEGA 2022

Ola, familia FETEGA!

Estamos xa coa programación desta nova edición do Festival do Teatro Galego «Celso Parada». Para nós é importante convocarvos desde xa este ano e contar convosco canto antes. Sodes a familia Fetega e a calidade humana é unha bandeira do noso festival.

As compañías dínnolo moitas veces e eu sempre penso que é algo que por sorte abunda no noso sector. Pero no caso voso, familia Fetega, síntome con sorte e por iso vos chamo a participar desde xa no #FETEGA2022.

A XXXIII Edición do Festival do Teatro Galego seguirá a celebrarse nas súas datas traidicionais, alonxándose así da excepción de hai dous anos. Pero antes desas datas hai outras e hai puntos nos que podedes participar, nas que podedes aportar.

Diríxome tamén ás persoas que estean pensando en escoller un voluntariado este ano. Ou ás persoas que senten curiosidade polo teatro e queren formar parte desta actividade impulsada pola Asociación Cultural Fetega, unha entidade cultural, sen fines de lucro.

E sobre todo, diríxome a aquelas personas que coma nós queren vivir unha experiencia única a nivel persoal. Sei que desfrutades o mundo teatro desde dentro.
Persoalmente, como director da XXXIII Festival do Teatro Galego “Celso Parada”, douche a benvida, agradezo o teu voluntariado e sobre todo recoñezo que convosco será posible unha edición máis. Por iso, non nos dan medo os retos.

Déixovos a continuación o formulario para inscribirvos no #FETEGA2022

Sempre voso,

Carlos Ledo
Director do Festival do Teatro Galego “Celso Parada”

VANTAXES DE FORMAR PARTE DO VOLUNTARIADO FETEGA

Cando vos inscribides como voluntarios estades a obter e desenvolver:
FORMACIÓN PRÁCTICA E TEÓRICA sobre teatro e a organización de eventos. Ao remate do festival recibes un certificado do FETEGA que garante ter superado tanto a parte teórica coma as diferentes actividades propostas.

EXPERIENCIA, posto que formas parte da familia FETEGA que desenvolve as tarefas e actividades necesarias para sacar adiante o reto dunha nova edición do Festival do Teatro Galego “Celso Parada”. Somos un equipo cunha ampla experiencia en varias disciplinas e estarás en contacto coa profesión das artes escénicas: non somos só teorías. Somos práctica, vivencia. Vas a convivir coa montaxe dos espectáculos desde dentro, estarás preto das actrices e actores, das técnicas e técnicos artistas.

SOLIDARIEDADE, xa que como persoas voluntarias investides o voso tempo, coñecementos e habilidades na cultura, nas demais persoas. O voso desinterese reflíctese nunha mellor sociedade e sodes exemplo para os que vos rodean. Vos crecedes máis persoalmente e sentiredes que vos realizades.

NETWORKING, unha rede de contactos que che sirva de cara o futuro. Teredes experiencia, teoría, destreza, pero nun mundo competitivo coma o noso xa non abonda. Cando formas parte do FETEGA tes a oportunidade de ampliar eses contactos ao coñecer compañeiras e compañeiros no voluntariado coma ti, actrices, actores, persoal da organización, técnicas e técnicos artistas especialistas, colaboradores, patrocinadores, autoridades e sobre todo, a amadores e amantes das artes escénicas.

TRABALLO EN EQUIPO é a clave e aprenderás a desenvolver esta aptitude que non se ensina de mellor xeito que na práctica. No futuro seguro comprobarás que é un elemento clave nas organizacións.

CURRÍCULUM, dado que poderás incluír a experiencia certificada de voluntariado, pero tamén no apartado de habilidades e competencias as túas destrezas á hora de organizar un evento das características do FETEGA.
E podería enumerar outras varias vantaxes de formar parte da familia FETEGA.