Convocatoria XXXIII Festival do Teatro Galego

Aberto o prazo para presentar obras e espectáculos candidatos aos premios FETEGA 2022

Compañeiras, compañeiros: convidámosvos a participar no 33º Festival de Teatro Galego “Celso Parada”, no Carballiño (Ourense) que, como xa é tradición, se levará a cabo a segunda semana de setembro de 2022.

O ano pasado presentáronse máis de 140 espectáculos para formar parte do Festival do Teatro Galego. As obras deben desenvolverse en galego e estar producidas en Galicia, e valorarase especialmente que sexan estreas.

As propostas deben enviarse desde hoxe venres 28 ata o martes 15 de febreiro ás 20 h, a través do formulario electrónico de inscrición, accedendo no formulario de inscrición en www.fetega.gal, onde se deberán describir a obra e achegar material de valoración.

Criterios.

Valorarase nos criterios de selección que sexan estreas, ademais de aspectos como o número e calidade de actores e actrices, ou a súa traxectoria.

Apartados

Distínguense en 6 categorías
• APARTADO 1: Teatro de Sala para público Adulto (Auditorio). Dirixida a compañías galegas con espectáculos teatráis para adultos
• APARTADO 2: Teatro de Exterior para público Familiar (Anfiteatro). Dirixida a compañías galegas con espectáculos teatráis de exterior para público
Familiar
• APARTADO 3: Teatro de Rúa para público Familiar. Dirixida a compañías galegas con espectáculos teatrais e animación de rúa para
público familiar.
• APARTADO 4: Teatro de Sala para Nenos. Dirixida a compañías galegas con espectáculos teatrais de interior para público infantil e
bebés
• APARTADO 5: Monólogos Cómicos. Dirixida a elencos e artistas galegos con espectáculos de humor
• APARTADO 6: Performances e Pequenos Formatos. Convocamos aos elencos e artistas galegos con espectáculos de performances e pequenos
formatos, para desenvolver en interior ou exterior.

CONVOCATORIA XXXIII FESTIVAL DO TEATRO GALEGO

Aberto o prazo de envío de proxectos